Daar is iets in die lug! EN nee, ek praat nie van gas wat lek nie! Dit het niks met politiek, droogtes of lae kwaliteit wyn te doen nie! Daar is iets anders! EN my HAT het geen definisie daarvoor nie, ek is nou al drie keer deur hom!

Daar is hartseer wat goud smelt. Daar is onsekerheid wat skommel. Daar is vrese wat jou bietjie laat piepie van die skrik.

EN toe, tydens ‘n blitsige samesyn vandag, stuur Liewe Jesus ‘n boodskap via ‘n engel…

Wanneer dinge lyk soos ‘n ashoop in Bothaville en uit mekaar BLIKSEM soos ‘n ou lorrie, is dit wanneer jy moet juig! Die ding is, dit gebeur om plek te maak vir die seën wat voor lê. Soos reën wat die lug was.

Gerhard! Drink jy weer alleen?! En die antwoord is … nog nie

Maar as jy mooi dink, maak dit sin. As mens is ons geneig om te hiperventileer as die “ongeluk/teleurstelling/skok” tref … dis menslik! Ek gaan nie lieg nie! Dit is fucked up en geen cliché kan dit reg/beter maak nie! En ek maak glad nie lig van hartseer, onsekerheid of vrees nie.

Maar my liewe mens, ons het nie die handleiding of plan van aksie in ons gatsak nie. Liewe Jesus bewaar hom veilig sodat jy hom nie kan inkleur dat hy soos ‘n kleuter se inkleurboek lyk nie.

Vertrou net. Glo net. Daar is immers ‘n belofte wat lei; dat na elke storm ‘n in die hemel sal glimlag.